Қазақстан Республикасының Энергетика министрлігі бекіткен «ПМХЗ» ЖШС-ның жоспарлы-алдын ала жұмыстар кестесіне сәйкес «ПМХЗ» ЖШС 15 тәулікке техникалық қызмет көсетуге тоқтады. Осы уақыт ішінде кәсіпорынның технологиялық кешендерінде олардың қалыпты жұмыс істеуі үшін қажетті жұмыстар: катализаторларды қалпына келтіру және ауыстыру, лицензияланған жабдықты тексеру және басқа да процедуралар орындалды.
ПМХЗ-да жыл сайынғы жөндеу жұмыстарының мерзімін қысқарту кәсіпорындағы технологиялық жабдықты терең жаңғыртудың, сондай-ақ 2014 жылы әзірленген қазақстандық МӨЗ-дердің техникалық қондырғыларын ұзартылған жөндеу аралық пайдалану кезеңіне көшу іс-шаралары мен 2016 жылы бекітілген ПСТ 54-016 «Жөндеу аралық цикл. Жөндеу циклдерінің, жөндеу аралық кезендерінің, ҚР МӨЗ технологиялық қондырғыларының жөндеуге тұрып қалуының құрылымы және ұзақтығы. Жалпы ереже» алдын ала ұлттық стандартының шеңберінде өткізілетін іс-шаралар жоспарын зауытта жүйелі түрде іске асырудың арқасында мүмкін болды.  
Технологиялық қондырғыларды тоқтатып жөндеу кезеңінде тамыздың 5-нен 20-на дейін зауыт мұнай өнімдері иелерінің өтінімдеріне сәйкес паспорттық өнімді тиеп жөнелтті.

«Павлодар мұнайхимия зауыты» ЖШС-ның жұртшылықпен байланыс жасау бөлімі