2024 жылы 18 маусым айында «ПМХЗ» ЖШС зауыт басқармасының ғимаратында азаматтық қорғаныс және төтенше жағдайлар (АҚ және ТЖ) бөлімі өртті сөндіру бойынша оқу дабылын өткізді. Оған құрылымдық бөлімшелер мен кәсіпорынға қызмет көрсететін ұйымдардың қызметкерлері қатысты: «Семсер-Өрт сөндіруші» ЖШС Павлодар филиалының өрт және газ қауіпсіздігі отряды, «Медикер-өнеркәсіптік медицина» ЖШС және «Күзет-Павлодар» ЖШС медициналық қызметі.
Оқу-жаттығу барысында авариялық қызметтердің қызметкерлері сегіз қабатты ғимараттың алтыншы қабатында өртті сөндіру бойынша іс-қимылдарды пысықтады, құрылымдық бөлімшелердің басшылары персоналды эвакуациялауды жедел ұйымдастыруды қамтамасыз етті. «Семсер-Өрт сөндіруші» ЖШС мемлекеттік емес өртке қарсы қызметі газ-түтіннен қорғау қызметінің құтқару буындары ғимараттан өз бетінше шыға алмаған жұмыскерлердің бар-жоғын тексерді. Сонымен бірге эвакуацияланған персонал барлық қызметкерлердің далаға сәтті шыққанын тексеріп, растады.
Бұл оқу-жаттығуларға «Семсер-Өрт сөндіруші» ЖШС Павлодар филиалының өрт және газ қауіпсіздігі отрядының 14 қызметкері қатысты, олар 3 бірлік өрт техникасымен келді. Сондай-ақ, ғимараттағы кәсіпорын жұмыскерлері мен «Медикер-өнеркәсіптік медицина» ЖШС медициналық қызметінің жедел жәрдем көлігі тартылды.
Іс-шара персоналдың өртке қарсы әрекет ету дағдыларын жақсартуға көмектесті, сонымен қатар авариялық қызметтерге төтенше жағдайлар кезінде кәсіби мінез-құлықты пысықтауға мүмкіндік берді.
«ПМХЗ» ЖШС жұртшылықпен байланыс бөлімі
Фотоны «ПМХЗ» ЖШС АҚ және ТЖ бөлімі ұсынды
