«Павлодар мұнайхимия зауыты» ЖШС – Қазақстанның солтүстік-шығысындағы ірі өнеркәсіптік кәсіпорын, оның негізгі қызметі мұнай өңдеу және мұнай өнімдерін өндіру болып табылады.
Мұнай өңдеу кәсіпорындары отын-энергетикалық ресурстардың, соның ішінде жылу және электр энергиясының ірі тұтынушылары болып табылады. Мұнай өңдеу үдерісінде оларды пайдаланудың тиімділігі, ұтымдылығы көбінесе технологиялық жабдықтың жұмысымен анықталады.
Күн сайын өсіп келе жатқан климаттың өзгеруі мәселесінің маңыздылығы парник газдар шығарындыларына мұқият назар аударуды қажет етеді.
Климаттың өзгеруі саласындағы біздің басым бағыттарымыз – парник газдар шығарындыларын қысқарту, энергия тиімділігі мен энергия үнемділігін арттыру.
Біз көміртекті реттеуге байланысты тәуекелдерді неғұрлым тиімдірек басқару және парник газдардың тікелей және жанама шығарындыларының қызметіне байланысты бағалау жүргізу – біздің кәсіпорынның парник газдар шығарындыларын төмендетуге бағытталған қызметін жоспарлаудағы маңызды аспектілер деп есептейміз.
Кәсіпорын қызметі түрлерінің құрылымына және салаға қойылатын талаптарға сәйкес біз парник газдар шығарындыларын төмендегі өлшемшарттар бойынша бағалаймыз:
- көмірсутек отынын жағуға, өндірістік объектілердің жұмыс істеуіне және технологиялық ысыраптарға байланысты парник газдардың тікелей шығарындылары;
- бөгде электр энергияны, жылуды, буды, салқындатуды тұтынумен байланысты жанама энергетикалық шығарындылар.
Көміртекті бейтараптық бойынша климаттық күн тәртібінің маңыздылығын ескере отырып, «Павлодар мұнайхимия зауыты» ЖШС қызметті қалыпты, ойластырылған және дәйекті көміртексіздендіруге назарын салды. Алға қойылған мақсатқа жету үшін кәсіпорын 2022-2031 жылдарға арналған төмен көміртекті дамыту бағдарламасын іске асыру жөніндегі іс-шаралар жоспарын әзірледі және енгізді.
