2025 жылдың 2 маусымында ПМХЗ өкілдері «Жетім және ата-аналардың қарауынсыз қалған №2 Песчаное арнайы жалпы білім беретін мектеп интернаты» КММ-ға барып қайтты. Зауыт аталмыш мекемеге 20 жылдан астам уақыт бойы қамқорлық көрсетіп келеді. Балаларды Халықаралық балалар күнімен құттықтап, аңсаған армандарына жетулерін тіледі.

Павлодар мұнай-химия зауыты «Үздік маман» кәсіби байқауын өткізу алаңына айналды. Екі кезеңнен тұратын бұл сайыстың практикалық бөлімі 15 мамыр күні БӨАжәнеТҮА-ның 9-цех ғимаратында өтті. Үздікті анықтау мақсатында цехтың 6 қызметкері тартысқа түсті.

2025 жылы 30 мамырында Павлодар қаласында оқушыларды, студенттерді және облыстың жетекші өнеркәсіптік кәсіпорындарын біріктіретін Mamandyq Fest кәсіптік бағдар фестивалі өтті. Шараға Павлодар химия-механикалық колледжінің негізгі әлеуметтік серіктесі ретінде «ПМХЗ» ЖШС белсенді қатысты. Қаланың орталық жағалауы жастарды еңбек нарығында сұранысқа ие мамандықтармен таныстыратын алаңға айналды. Фестивальге 36 колледж қатысып, білім беру бағдарламалары, шеберлік сыныптары мен интерактивті аймақтар ұсынылды.

1 маусымда Ақтау қаласында «Munaily Marathon-2025» қайырымдылық марафоны 1000-нан астам қатысушылардың басын қосты, оның ішінде ПМХЗ қызметкерлері де бар. Жарыс Мемлекет басшысы жариялаған «Жұмысшы мамандықтар жылы» аясында өтті.

Көктемнің соңғы күні Павлодар қаласының Усольский шағынауданында саябақ аумағын тазарту және абаттандыру бойынша акция өтті. Қоршаған ортаға жанашырлық танытқандардың қатарында қала тұрғындары, қоғамдық бірлестіктердің мүшелері және облыстың ірі кәсіпорындарының қызметкерлері болды. Олардың сапында Павлодар мұнай-химия зауытының 20 жұмысшысы да бар.

Мамыр айында кәсіпорын спортшылары «Президенттік миля» жаппай жүгіру жарысына қатысты. Оның жалғасы ретінде ұлттық боулинг саналатын асық ату ойындары өткізілді. Спорттық додалар орталық стадионда өтті. Спорттық сайыстың екі түрі де «Спартакиада-2025» аясында ұйымдастырылды.

Павлодар мұнай-химия зауытында жыл сайын «Үздік маман» кәсіби шеберлік байқауы өткізіледі.  Шараның мақсаты – білікті мамандарды анықтау мен қолдау, жас кадрларды тәрбиелеу және жұмысшы мамандықтардың беделін арттыру.