2024 жылғы 5-7 шілде аралығында Шымкент қаласында Павлодар мұнайхимия зауытының құрама командалары қатысқан ерлер мен әйелдер арасындағы баскетбол, әйелдер волейболы, арқан тарту және шахмат бойынша «ҚазМұнайГаз» спартакиадасының қорытынды іріктеу кезеңі өтті.
Бұған дейін ПМХЗ командалары павлодарлық және қызылордалық іріктеу турнирлеріне қатысып, үздік ойын көрсеткен болатын. Біздің спортшылар шымкенттік жарыстардың нәтижелері бойынша да жоғары нәтижелер көрсетті: баскетбол мен волейболдан алтын, ерлер арасында шахматтан күміс, арқан тарту мен әйелдер арасындағы шахматтан қола жүлделерді жеңіп алды.
Спартакиаданың келесі кезеңі 2024 жылғы 9-14 тамыз аралығында Павлодарда өтетін финалдық жарыс болады.
Өз алаңымызда өтетін спартакиаданың финалында спортшыларымызға сәттілік пен алға қойған мақсаттарына қол жеткізуді тілейміз!
«Павлодар мұнайхимия зауыты» ЖШС жұртшылықпен байланыс бөлімі
