Бұл пост Қазақстан мұнайының 125-жылдығына арналған басылымдар сериясын ашады. Тарихи факт: Павлодар мұнай-химия зауыты 1978 жылы іске қосылды. Бес жылдан кейін, 1983 жылдың қараша айында, кәсіпорында мазутты терең өңдеу жүйесі — Жанармай кешені 1 (ЖК-1) іске қосылды. Бұл КСРО-да алғаш рет жасалды.
ЖК-1 дейін Кеңес Одағында мазутты терең өңдеуге арналған тек жекелеген қондырғылар салынған болатын. Осы кешенді салу кезінде алынған тәжірибе кейіннен елдегі басқа мұнай өңдеу зауыттарында қолданылды. Кешеннің жаңалығы бірегей қуатты қондырғыларды біртұтас кешенге біріктіруде болды, бұл қондырғылар технологиялық процестерді қамтамасыз етті: мазутты вакуумдық айдау, катализаторлық крекинг шикізатын гидротазалау, катализаторлық крекинг және ректификация, абсорбация және газды фракциялау, түтін газдарының жылуын пайдалану.
Кешен жұмысының нәтижесінде бағалы мұнай өнімдері алынды: жоғары октанды АИ-92-К2, АИ-95-К2 бензиндерінің компоненттері, гидротазаланған дизель отынының компоненті, пропан-пропилен және бутан-бутилен фракциялары, пештік отын.
«Павлодар мұнайхимия зауыты» ЖШС жұртшылықпен байланыс бөлімі
