Кездесу барысында Қуаныш Бишімов кәсіпорын қызметінің 2024 жылдың І жартыжылдығындағы нәтижелері туралы баяндады. ПМХЗ басшысы кәсіпорынның негізгі өндірістік көрсеткіштерін орындағанын, мұнай өңдеудің нақты көлемі 2 млн 721 мың тоннаны құрағанын хабарлады. Отын шығысы, шығындар және қондырғыларда жанатын кокс бойынша жиынтық көрсеткіш технологиялық қажеттіліктерге жұмсалатын отын шығынын азайту және шығындарды азайту жөніндегі іс-шараларды іске асыру есебінен 0,58%-ға асыра орындалды. «Ашық мұнай өнімдерінің түсімі» көрсеткіші 2,73%-ға, ал «Өңдеу тереңдігі» - 3,23%-ға қайталама өңдеу қондырғылары жүктемесінің үлесін ұлғайту және мұнай мен пеш отыны битумының қосымша көлемін шығару есебінен асыра орындалды.

Сондай-ақ, кездесу барысында Қуаныш Бишімов кәсіпорында өнертапқыштықты дамыту, ауа компрессорлық станциясының компрессорларын ауыстыру жобасын іске асыру, еңбек қауіпсіздігі және еңбекті қорғауды қамтамасыз етуді ұйымдастыру, зауыт құрамына техникалық сервисті қайтару, кадрлық әлеует, персоналды оқыту және дамыту, жұмыскерлерді тәртіптік жазалау/марапаттау туралы айтып берді. Бас директор Павлодарда 10-14 тамыз аралығында өткен «ҚазМұнайГаз» спартакиадасының финалдық кезеңіне қатысқан ПМХЗ-нің бастамашыл тобына, қатысушылары мен еріктілеріне алғысын білдірді. Ол барлық павлодарлық мұнай өңдеушілердің жоғары орындаушылық тәртібі мен адалдығын атап өтіп, зауыт ұжымы ПМХЗ-нің жоғары ұйымдасқан кәсіпорын ретіндегі имиджін тағы да растағанын баса айтты.

Сөз соңында Бас директор барлық өндірістік және қаржылық көрсеткіштерді сөзсіз орындау, сондай-ақ еңбек тәртібі мен технологиялық режимді сақтау қажеттігін атап өтті. «ПМХЗ» ЖШС жұртшылықпен байланыс жасау бөлімі
Фото - Айнаш Мажит