Шартты өрт шарпыған нысана ретінде Павлодар мұнай-химия зауытының «Сумен қамтамасыз ету және кәріз» цехының учаскесі таңдалды. Тілсіз жаумен күресуге арнайы техниканың 18 бірлігі мен 90 адам жұмылдырылды. Олардың ішінде: «Семсер-Өрт сөндіруші» ЖШС-ның Өрт және газ қауіпсіздігі жасағы, «ҚР ТЖМ Павлодар облысы ТЖД-ның Өрт сөндіру және авариялық-құтқару жұмыстары қызметі» ММ-нің жеке құрамы мен техникасы, «Медикер-Өндірістік медицина» ЖШС қызметкерлері, «Күзет-Павлодар» ЖШС және «Тотал Сервис» ЖШС. Сағат 10:03-те Сумен жабдықтау және кәріз цехының операторына ағынды суларды механикалық тазарту мекемесінің сорғы станциясында шартты өрт шыққаны туралы сигнал түсті. Сағат 10:50-де өрттің ауыздықталғаны жеткізілді. Бұл аралық адамдарға қауіп төнбейтін немесе сейілген, өрттің таралуы тоқтатылған және қолда бар күштер мен құралдарды пайдалана отырып, оны жоюға жағдай жасалған шартты өртті сөндіру кезеңі деп аталады. Сағат 10:55-те «өрт» сөндірілді, содан кейін сорғы станциясы 20 минут бойы салқындатылды. Павлодар облысы Төтенше жағдайлар департаменті «Өрт сөндіру және авариялық-құтқару жұмыстары қызметі» ММ жедел бөлімінің бастығы, полиция подполковнигі Дастан Есқара оқу-жаттығу қорытындысы бойынша іс-шараның мақсаттарына толығымен қол жеткізілгенін атап өтті. Сондай-ақ жедел қызметтер мен азаматтық қорғау жасақтары үйлесімді әрекет еткенін айтты. "ПМХЗ” ЖШС жұртшылықпен байланыс бөлімі
Видео - Асылжан Женіс