Шара екі кезеңнен тұрды: квалификациялық іріктеу және финал. Кезеңдердің әрқайсысында атқыштар ұзын оқпанды шағын калибрлі винтовкадан  3 сынақ  және 5 есептелетін атыс жасайтын мүмкіндік алды.

Жарыс аймағына қатысушылар бес адамнан тұратын топтармен кезек-кезек шығып отырды. Аяғында тік тұрған қалпында спортшылар 25 метр қашықтықтан нысанаға оқ атты.

Квалификациялық іріктеудің нәтижелеріне сәйкес ең көп ұпай жинаған 5 қатысушы жеңімпаздарды анықтайтын финалдық кезеңге өтті.

Спорттық дода соңында ұйымдастырушылар жеңімпаздарды марапаттап, дипломдар мен сыйлықтар табыс етті. Нәтижелер келесідей болды:

Топтық есепте:

1 орын – кірме жолдарға қызмет көрсету цехы;

2 орын – мұнайды бастапқы өңдеу өндірісі;

3 орын – күкірт өндірісі мен жалпы зауыттық шаруашылық.

Жеке есепте:

1 орын – Ербұлан Мағау (мұнайды терең өңдеу өндірісі);

2 орын – Александр Усихин (мұнай өнімдерін компаундирлеу және тиеу кешені);

3 орын – Олег Палицкий (бақылау-өлшеу аспаптары мен технологиялық үдерістерді автоматтандыру цехы).

Жеңімпаздарды шын жүректен жеңістерімен құттықтаймыз!

«Павлодар мұнай-химия зауыты» ЖШС-ның Жұртшылықпен байланыс жасау бөлімі