Аталмыш турнир Спартакиада-2025 аясында өтті. Іс-шараны «Нефтепереработчик» жергілікті кәсіподақ ұйымы ұйымдастырды. Жеңімпаз атағына талас тартысты өтті. Нәтижесінде 1 орын Мұнайды компаундирлеу және тиеу өндірісі командасына бұйырды. Команданың жеңіске жетуіне турнирдің үздік шабуылшысы атанған Қаныш Демесинов үлкен үлес қосты.

2 орынды Мұнайды бастапқы өңдеу өндірісі командасы қанжығасына байлады. Бұл команданың үздік ширатушысы болып Досмұхаммет Советхан танылды.

3 орынды Ауыр мұнай қалдықтарын өңдеу өндірісінің командасы еншіледі. Бұл жетістікке жету жолында турнирдің үздік орталық шабуылшысы Глеб Жуковтың ықпалы зор болды. Жарысқа қатысқан әрбір ойыншы сергектік пен көтеріңкі көңіл-күйге бөленді. Кубок үшін тартыс оңай болған жоқ — барлық командалар жанкешті ойын көрсетіп, лайықты қарсылас бола білді. Мұндай спорттық шаралар бірлік пен ынтымақтың, ортақ мақсат жолындағы күш-жігердің қаншалықты маңызды екенін айқын көрсетеді. Ал спортта қажет табандылық пен өзара түсіністік өндірістегі жетістіктерге де тікелей әсер етеді. «ПМХЗ» ЖШС-ның Жұртшылықпен байланыс жасау бөлімі
Фото — Илья Величко