Байқау жүргізушілері Дайыр Қабыкен мен Мадияр Сарсембай зияткерлік және танымдық тақырыптарға конкурстар өткізді.

 Байқауда біліктілікті саралау 4 кезеңнен тұрды. Әрбір кезеңде қатысушылар тарих пен ұлттық салт-дәстүр сұрақтарға еш ойлануды қажет етпестен мүдірмей жауап берді. Байқаудың бастамасы ретінде викторина сұрақтары қазақ және орыс тілінде берілді.

 Әр топ құрамында 4 адам болды. Байқау нәтижесінде әр кезең бойынша ең көп ұпай жинаған команда жеңімпаз атанды.

Қонақтар да жанкүйер ретінде үш топқа бөлінді. «Тіл қазынасы» тобының құрамында Ильяс Жүкешев, Данияр Байжанов, Әлия Мамашева және Оксана Ильяшенко болса, «Тіл&мұнай» командасы құрамында – Айдарбек Жанкишев, Сұнгат Жаныгүл, Мадина Сейсенбаева және Мағжан Тілек, «Ертіс жалыны» тобының құрамында – Алмас Жұматаев, Айнаш Мажит, Альфия Мұхаметжанова және Ирина Нурпеисова болды.
Байқаудың ұйымдастырушысы- қазақ тілі пәнінің оқытушысы –Гүлнәз Әлімканова.

Байқау жүлдегерлері грамотамен және естелік сыйлықтармен марапатталды. Іс-шара жарқын және мазмұнды болды – көрермендер нағыз рахатқа бөленді!

«ПМХЗ» ЖШС жұртшылықпен байланыс жасау бөлімі

Фото –Екатерина Лобашевская