«Павлодар мұнайхимия зауыты» ЖШС
24.11.2025
25 просмотров
Атырауда өткен «KMG Skills» байқауында біздің ПМХЗ қызметкерлері жетістікке жетті

Компрессорлық қондырғылар машинисі Максим Быченко бірінші орынды иеленсе, БӨАжәнеА слесарі Александр Макишев қола жүлдегер атанды. Құттықтаймыз!

Атырау қаласында «ҚМГ» ҰК АҚ компаниялар тобы қызметкерлері арасында кәсіби шеберлік бойынша «KMG Skills» чемпионаты аяқталды.

Бүгін конкурс жеңімпаздарын салтанатты марапаттау рәсімі өтті. «Жұмысшы мамандықтар жылы» аясында ұйымдастырылған чемпионатқа ҚМГ-ның 19 еншілес және тәуелді ұйымдарынан шамамен 100 қызметкер қатысты. 

Барлық қатысушылар берілген тапсырмаларды жоғары деңгейде орындап, кәсіби шеберліктерін, білімдерін және мол тәжірибелерін көрсетті. Ауқымды сайыста «ПМХЗ» ЖШС атынан өнер көрсеткен қызметкерлер: технологиялық қондырғылар операторы Олег Хайрутдинов, электргазбен дәнекерлеуші Николай Березин, технологиялық сорғылар машинисі Михаил Щербаков, компрессорлық қондырғылар машинисі Максим Быченко, электржабдықтарды жөндеу және қызмет көрсету электрмонтері Ярослав Котин, аспапшы Александр Макишев, технологиялық қондырғыларды жөндеу слесары Акрам Жансұлтан, кең бейінді токарь-білдекші Сергей Герасименко.

«ПМХЗ» ЖШС жұртшылықпен байланысу жасау бөлімі

Фото және бейне материалдарын ҚМГ баспасөз қызметі мен Максим Быченко ұсынды

Соңғы жаңалықтармен таныс болыңыз.
Таратуға жазылыңыз! Жазылу