Сценарий бойынша сутекті өндіру және тазарту қондырғысында күрделі жағдай орын алды: құбыр эстакадасындағы жұмыс істеп тұрған газды бензин құбырының герметизациясы бұзылып, одан кейін жану болды. Технологиялық персонал «Эр Ликид Мұнай Тех Газы» ЖШС-нің апатты жою жоспарына сәйкес әрекет етіп, СӨТЖ қондырғысы қызметкерлерін қауіпсіз жерге көшіруді, жабдықтарды өртті сөндіруге дайындау мақсатында электр қуатынан ажыратуды, сондай-ақ технологиялық жабдықтарды тоқтатуды жүзеге асырды.

Өз кезегінде «ПМХЗ» ЖШС диспетчерлері шартты өрт туралы зауыттың өнеркәсіптік қауіпсіздік қызметін, «Семсер – Өрт Сөндіруші» ЖШС мен «Медикер – өндірістік медицина» ЖШС-ні жедел түрде хабардар етті. «ПМХЗ» ЖШС-нің технологиялық процестері жағдайға сәйкес жұмыс режиміне шартты түрде ауыстырылды.

Апаттық-құтқару қызметтері СӨТЖ қондырғысына келіп, жұмыстарды белгіленген уақытта аяқтады.
«Біз кез-келген жағдайға дайын болуымыз қажет. Заңнамаға сәйкес «Эр Ликид Мұнай Тех Газы» ЖШС ай сайын персоналға өнеркәсіптік қауіпсіздік бойынша оқу-жаттығулар өткізеді. Оқу дабылы кәсіпорында жылына екі рет жарияланады. 2025 жылы біз осындай іс-шараны «ПМХЗ» ЖШС-нің тиісті қызметтерімен бірге екінші рет өткізіп отырмыз», — дейді «Эр Ликид Мұнай Тех Газы» ЖШС-нің еңбекті қорғау, өнеркәсіптік қауіпсіздік және экология жөніндегі инженері Айдарбек Шолонбаев.
Оқу-жаттығу қорытындысы бойынша барлық қойылған міндеттер орындалды, ал «ПМХЗ» ЖШС, «Эр Ликид Мунай Тех Газы» ЖШС және апаттық-құтқару қызметтерінің әрекеттерін арнайы комиссия бағалады.

«Павлодар мұнайхимия зауыты» ЖШС жұртшылықпен байланыс жасау бөлімі
Фото —ТОО «ЭЛМТГ»