«ПМХЗ» ЖШС әртүрлі бөлімшелерінің жас мамандары өз мүмкіншіліктерін тек жұмыс орнында ғана емес, сахнада да көрсете білді. Олар шығармашылық қабілеттеріне жол ашып, өздерінің таланттарын КТК-да танытты.

Бұл бастаманы зауыт басшылығы қолдап, Жастар істері жөніндегі кеңес ұйымдастырды. Командалар екі ай бойы көрермендер мен қазылар алқасының алдында өнер көрсетуге дайындалды. Таңдалған КТК импровизация жанрының күрделілігі - алдын-ала жазылған сценарий мен реквизиттердің болмауында. Сондықтан әзіл-оспақ сезімі ғана емес, сонымен қатар бір-бірімен және залмен өзара іс-ірекеттесу – өте маңызды.

Іс-шараның басында "ПМХЗ" ЖШС бас директоры Маждай Ахметов сөз сөйледі.

 

- Жастардың мұнай өңдеуші болғысы келетініне өте қуаныштымын. Кәсіпорын қызметкерлерінің негізгі құрамы - 35 жасқа дейінгі адамдар. Болашақта бұл адамдар мұнай өңдеу драйвері болады, – Сіздер ПМХЗ табалдырығын аттап өткен күнді міндетті түрде есте сақтайсыздар. Сіздерді білім шыңын бағындырып, білмегенді сұрап үйренуге шақырамын. Сіздердің колледж немесе университет негізінде алған білімдеріңіз – бұл негіз, дегенмен одан әрі күнделікті тәжірибені жалғастырған және де білімді жаңадан толықтырып отырған жөн. Мен барлық бастамаларыңызға сәттілік тілеймін, білімге деген құлшыныстарыңыздан көздеріңіз оттай жансын – деді, Маждай Ахметов. Қатысушылардың өнерлерін қазылар алқасының мүшелері ПМХЗ персоналды басқару бөлімінің бастығы Гүлнәр Еспаева, персоналды басқару бөлімінің жетекші маманы Майя Даутова, сондай-ақ Астананың импровизациялық қозғалысының резиденті Виктория Шелепова бағалады. Көрермендер де ұнаған командаларға өз ұпайларын берді. Іс-шара жаңадан келгендердің беттеріне символикалық сипатта мұнайды жаға отырып, жаңадан келгендерді мұнай өңдеушілер қатарына қабылдауға бағытталған маңызды дәстүрмен аяқталды.
 
«ПМХЗ» ЖШС жұртшылықпен байланыс жасау бөлімі
Фото — Максат Адам, Анна Гронская