Сценарийге сәйкес, «Компания Нефтехим LTD» ЖШС аумағында метанолды қабылдау учаскесінде резервуардың ысырмасы герметикалығын жоғалтты. Бұл жарылыс қаупі бар улы бұлттың пайда болуына және № 2 блок шегінде өрттің шығуына әкелді. Шартты төтенше жағдай туралы хабар алғаннан кейін авариялық-құтқару қызметтері мен зауыт персоналы әрекет ету және іс-қимыл алгоритмдерін пысықтады. Арнайы комиссия олардың орындалуын «жақсы» деп бағалады.
Сондай-ақ, ПМХЗ және «INTERTRANS C.A.» ЖШС күштерімен теміржол эстакадасы учаскесіндегі өртті сөндіру бойынша бірлескен қарсы авариялық жаттығу өткізілді. Оқу дабылы жоспарына сәйкес № 2 жолда вагон-цистернада өрт шықты. «INTERTRANS C.A.» компаниясының персоналы жағдай туралы жауапты тұлғаларға және екі кәсіпорынның авариялық-құтқару қызметтеріне дер кезінде хабарлады. Сұйытылған көмірсутекті газдарды беру және құю-қотару жұмыстары тоқтатылып, қауіп аймағына кіретін учаскелерден қызметкерлер эвакуацияланды. «Семсер – Өрт Сөндіруші» ЖШС кәсіби өртке қарсы және газдан құтқару қызметінің, сондай-ақ «Медикер – өнеркәсіптік медицина» ЖШС мамандары оқу-жаттығу кезіндегі шартты төтенше жағдай орнына жедел келіп, оны жоюға және салдарын алдын алуға қатысты. Оқу іс-шарасының қорытындысы бойынша комиссия қатысушылардың әрекеттерін 4 баллға бағалады.
2025 жылы ПМХЗ мамандандырылған қызметтері төрт бірлескен оқу-жаттығуға қатысты.

«ПМХЗ» ЖШС жұртшылықпен байланыс жасау бөлімі