Өндірістердің 2023 жылы атқарған қызметтеріне жасалған сараптама қорытындысы нәтижесінде «ПМХЗ» ЖШС-ның үздік өндірісі» байқауының жеңімпазы болып Ауыр мұнай қалдықтарын өңдеу өндірісі атанса, «ПМХЗ» ЖШС-ның үздік бригадасы» номинациясында Мұнайды бастапқы өңдеу өндірісінің (нафтаны гидротазарту және каталитикалық риформинг қондырғысының) №2 С-200 бригадасы барлық қатысушылардан озып кетті.
Үздік өндірісті таңдау критерийлеріне өндірістік бағдарламаны орындау, технологиялық тәртіп нормаларын бұзу, жоспардан тыс аналитикалық бақылау жүргізу және сапасыз сараптама бойынша ақпарат беру, EII энергия тиімділігі индексі, АЖЖ бойынша жаттығу барысындағы іс-әрекеттер, сондай-ақ өрт және газ қауіпсіздігі нәтижелері кірді.
Жеңімпаз бригаданың құрамында Шарыпов М. Ш., Газимов Р.Р., Сафиуллин Г.М., Жаналы Ж.С., Зверков В.В., Алексин А.В., Байшүкір М.Д., Бағдарханов А. А., Василенко С.П. сынды жігіттер жұмыс істейді.
Үздік өндіріс пен бригаданы марапаттау рәсімі зауыт ұжымының 2023 жылдың 28 желтоқсанында орын алған соңғы жиынында өтті.
«ПМХЗ» ЖШС-ның жұртшылықпен байланыс жасау бөлімі
Фото – Жеңіс Асылжандікі