«Near Miss» сөзі ағылшын тілінен аударғанда «нысанға дәл тигізбеу; мүлт кету; біраз тырыссаң, дәл тигізер едің» деген мағынаны білдіреді. Бұл - алдын алуға болатын, ықтималды инциденттерді есепке алу мен сараптау жүйесі.
«Near Miss» бағдарламасы бойынша ПМХЗ-ға арналған семинарды «Байтау Партнерс» ЖШС ұйымдастырып, сабақты бұл тренингтік орталықтың оқытушысы Асхат Ералиев өткізді.
ПМХЗ қызметкерлеріне «Near Miss» бағдарламасының 5 бөлімі бойынша түсіндірме жұмыстары жүргізілді:
- Тәуекелдік тұжырымдамасы мен оның негізгі компоненттері;
- Тосқауылдық амалдар мен жазатайым оқиға элементтері;
Қауіпсіздіктегі мәдениет пен жетекшілік;- Адами фактор мен оның қалыптасу аспектілері.
Оқытудың теориялық бөлімін меңгергеннен кейін зауыт қызметкерлері тәлімгермен бірге ПМХЗ өндірісінің ерекшеліктеріне байланысты жазатайым оқиғалардың мысалдарын талқылады. Бұндай кейстерді сараптау барысында қызметкерлер инциденттерге әкелген оқиғалар арасындағы себеп-салдарлық байланысты тауып, олардың алдын алу шараларын табуды үйренді.
Семинар барысында қызметкерлер арасында қауіпсіздік техникасын сақтағандары үшін ынталандыруды арттыру мен ұжымдағы микроклиматтың жазатайым оқиғалардың орын алу ықтималдығына әсері сияқты сұрақтарға ерекше мән берілді.
Халықаралық бағдарлама бойынша оқытудан ПМХЗ-ның 50 өндірістік бөлімшесінің басшылары өтті.
«Байтау Партнерс» компаниясы мұнай-газ, мұнай-химия, тау-кен өнеркәсібі, құрылыс және басқа да салаларда жұмыс істейтін компаниялардың қызметкерлерін қауіпсіздік техникасы, еңбекті қорғау, қоршаған ортаны қорғау және техникалық бағдарламалар бойынша оқытуға маманданған Қазақстандағы оқу орталығы болып табылады. Компанияның Астана, Атырау, Ақтау, Алматы және Лондон қалаларында оқу класстары мен өндірістік алаңдарын қамтитын кеңселер желісі бар. Қазақстан нарығында оқыту және аударма қызметі саласында 2007 жылдан бастап жұмыс істейді.
«ПМХЗ» ЖШС-ның жұртшылықпен байланыс жасау бөлімі
Фото – Илья Величко