Турнир «Нефтепереработчик» жергілікті кәсіподағы» қоғамдық бірлестігінің жыл сайын ақсулық әріптестермен бірлесіп өткізетін спорттық акциясы аясында ұйымдастырылды. Спорттық дода барысында «Қазақстан алюминийі» АҚ, «ПМХЗ» ЖШС, «Торайғыров университеті» КЕАҚ, «КарМет» Сауда үйі» ЖШС (бұрынғы атауы – «АрселорМиталл», Теміртау қ.), АФЗ (Ақтөбе қ.), АқсуФЗ (Ақсу қ.) командалары тартысқа түсті. Салауатты өмір салтын насихаттау, әуесқой баскетболды дамыту және Ақсу ферроқорытпа зауытының (АқсуФЗ) алғашқы баскетбол командасының жаттықтырушысы Калегаев Сергейді еске алу – аталмыш турнирдің басты мақсаттары.

«Нефтепереработчик» жергілікті кәсіподағы» ҚБ-ның спорт ұйымдаструшысы Әлібек Бәкібаевтың ақпаратына сәйкес, жүлделі орындарға келесі командалар ие болды:

1 орын – «ПМХЗ» ЖШС;

2 орын – «Қазақстан алюминийі» АҚ;

3 орын – «Ақсу ферроқорытпа зауыты».

Спорттық жарыс барысында барлық қатысушы командалар жоғары шеберлік пен керемет ойын көрсете білді.

«Павлодар мұнай-химия зауыты» ЖШС-ның жұртшылықпен байланыс жасау бөлімі