2024 жылғы тамыздың 5-нен 8-не дейін 42 жаңа жұмыскер үшін кезекті оқыту өткізілді. Алдымен жаңадан қабылданған жұмыскерлер үшін зауыт аумағы бойынша экскурсия ұйымдастырылды, онда олар өндірістің негізгі қолданыстағы және қосалқы объектілерімен танысты. Әрі қарай курс қатысушылары мұражайға барып, кәсіпорынның тарихына үңілді.

Сондай-ақ жаңадан қабылданған жұмыскерлерге зауыт жұмысындағы маңызды тақырыптар бойынша дәрістер оқылды. Анастасия Гнускина қатысушыларға қоршаған ортаны қорғау саласындағы негізгі талаптарды түсіндірді. Дәулетбек Жұматаев энергия тиімділігі, осы саладағы инновациялар және осы параметрді арттыру жолдары туралы айтып берді. Анна Шегай қатысушыларға біріктірілген менеджмент жүйесі бойынша ақпарат берді. Ольга Окульская жұмысшыларды ПМХЗ негізгі технологиялық өндірістерінің үдерістерімен, сондай-ақ зауыт шығаратын мұнай өнімдерінің қасиеттерімен егжей-тегжейлі таныстырды. Оқудан өткеннен кейін әрбір жұмысқа қабылданушы кәсіпорын жұмысындағы технологиялық үдерістер және олардың өзара байланысы, ПМХЗ экологиялық және энергетикалық саясаты туралы жаңа білім алды. Бейімделу курстары жаңа персоналды зауыт қызметіне біріктіру үдерісін жеделдетуге мүмкіндік береді. «ПМХЗ» ЖШС жұртшылықпен байланыс жасау бөлімі 
Фото - Айнаш Мәжіт