Кәсіпорында келесі тұлғалар болып қайтты:

• Павлодар облысы жер қойнауын пайдалану, экология және су ресурстары басқармасының экологиялық реттеу бөлімінің басшысы Мадина Балтабаева;
• «Павлодар облысы тұтынушылары одағы» ҚБ өкілі Юрий Павленко;
• Павлодар облысы қоғамдық кеңесінің президиум мүшесі, экологияны жақсарту, қоршаған орта және тұрғын үй-коммуналдық шаруашылық мәселелері бойынша тұрақты комиссияның төрағасы Марина Регатунова.

Күн тәртібіндегі басты мәселе кәсіпорындағы жұмыс және экологиялық ахуалмен танысу болды. Қонақтарға өндірістік және экологиялық көрсеткіштерді жақсартуға мүмкіндік берген жаңалықтар мен технологиялар таныстырылды. 

Іс-шараға қатысушылар сұйытылған көмірсутек газдарын тазарту қондырғысын, битум өндірісінің жаңа технологиялық пешін, зауыттың орталық басқару пультінің жұмысын көріп, кәсіпорынның экологиялық жағдайымен танысты. Кездесу барысында қоршаған ортаға әсерді төмендету үшін жаңа үздік қолжетімді техникаларды енгізу мәселелері талқыланды.

Жиын соңында қонақтар зауыт басшылығына шақыру үшін алғыс білдіріп, экологиялық шаралар мен іс-шаралар бойынша алдағы ынтымақтастықты ұсынды.

«ПМХЗ» ЖШС-ның жұртшылықпен байланыс жасау бөлімі