Аймақтың жарқын болашағы жастардың мамандықты дұрыс таңдауымен тікелей байланысты. Бұл мақсатта оқушыларды экономиканың түрлі салаларында мамандықты саналы түрде таңдауға дайындау маңызды көмек болып табылады. Кәсіптік бағдар беру практикасы кезінде студенттер кәсіптің ерекшелігін жақсы түсіну үшін таңдалған оқу профилі бойынша бастапқы еңбек дағдыларын алады. Бұл жолы ПМХЗ ОӨК-мен бірлесіп қала мектептерінің тоғызыншы сынып оқушыларына кәсіпорын өндірісі және химия-механикалық колледждеріне экскурсия ұйымдастырды. Тәлімгерлердің жетекшілігімен оқушылар зауыт музейіне барып, заманауи қондырғылардың макеттерін тамашалады. Бұдан бөлек оларға негізгі жабдықтардың қыр-сырын айтып, зауыттың тарихымен таныстырды. Бұл балаларға кәсіпорын жұмысының атмосферасына енуге, технологиялық процестермен танысуға және мамандардан маңызды білім мен дағдыларды алуға мүмкіндік берді. Содан кейін оқушыларды ПХМК-ға автобуспен апарды. Ол жерде олар оқу орнымен жақынырақ таныса алды. Заманауи зертханалар мен шеберханалар естен кетпес әсер қалдырғаны сөзсіз. ПМХЗ және ОӨК ынтымақтастығы аясындағы осындай іс-шаралар оқушылардың техникалық мамандықтар мен өңірдің жетекші компанияларына жұмысқа орналасу туралы түсініктерін кеңейтуге, болашақ мамандықты таңдауға саналы көзқарас қалыптастыруға мүмкіндік береді. Зауыт басшылығы кәсіптік бағдар беру жұмысына жан-жақты қарайды және болашақта мұнай-газ саласы жаңа білікті кадрлармен толықтырылуы үшін жас ұрпақтың кәсіби дағдыларды табысты меңгеруі үшін барлық жағдайларды жасауға ұмтылады.

«ПМХЗ» ЖШС-ның жұртшылықпен байланыс жасау бөлімі
Фото — Нурсултан Нурумов