”Павлодар мұнай-химия зауыты” жауапкершілігі шектеулі серіктестігінің аумағында жерүсті көлік құралдарын қауіпсіз пайдалану регламентін сақтау мақсатында “AVC Group” ЖШС зауыттың қауіпсіз қозғалыс қызметінің жетекшілігімен өзінің автокөлік паркін жаңартты. Мердігер JAC T9 маркалы 4 жаңа пикап пен барлық орындары қауіпсіздік белдіктерімен жабдықталған JAC sunray маркалы микроавтобус сатып алды. Жаңа көлік құралдарының барлығы қажетті қауіпсіздік жүйелерімен жабдықталған. Бұл жүргізушілер мен жолаушылардың қауіпсіздік деңгейін айтарлықтай арттырады. ”Автопаркті жаңарту регламенттің талаптарына жауап берумен қатар жұмыс жағдайларын жақсартуға, ескірген автокөліктерді пайдаланумен байланысты тәуекелдерді азайтуға, сондай-ақ жұмыстың жалпы тиімділігін арттыруға ықпал етеді” – дейді ПМХЗ-ның қозғалыс қауіпсіздігі бойынша инженері Бахыт Оспанов.

«Павлодар мұнай-химия зауыты» ЖШС-ның Жұртшылықпен байланыс жасау бөлімі