Турнир қорытындысы бойынша 1-орынға Мұнайды компаундирлеу және тиеу өндірісі командасы ие болды. Команданың табысқа жетуіне блоктаушы Ерзат Сакишевтің шебер ойыны зор үлес қосты. 2-орын Мұнайды терең өңдеу өндірісіне бұйырды – бұл жерде үздік пас беруші Мұрат Жангазиновтың үлесі ерекше атап өтілді. 3-орын Ауыр мұнай қалдықтарын өңдеу өндірісінің еншісіне тиді. Команда өкілі Ербол Манарбековтің жарқын шабуылдары жанкүйерлердің қошеметіне бөленді. 4-орынды Мұнайды бастапқы өңдеу өндірісі иеленсе, 5-орын – Зауыт басқармасына бұйырды. Ал 6 және 7-орындар сәйкесінше Күкірт өндірісі және жалпы зауыттық шаруашылығы және Бу-ауамен жабдықтау цехы командаларына тиесілі болды. ПМХЗ-да салауатты өмір салтын насихаттау мақсатында корпоративтік спорт белсенді түрде дамып келеді. Бұл бастама қызметкерлердің денсаулығына ғана емес, сонымен қатар ұжым ішіндегі жағымды психологиялық ахуалға да оң әсер етуде.

Жарысқа қатысқан барлық ойыншыларға құрмет грамоталары мен бағалы сыйлықтар табысталды. «ПМХЗ» ЖШС-ның Жұртышылықпен байланыс жасау бөлімі
Фото — Илья Величко