Зауыт ұжымына Павлодар қаласындағы Архистратиг Михаил жаңа шіркеу құрылысына қаражылай көмек көрсету туралы өтінішпен «Храм құрылысы» қоғамдық қорының директоры   Евгений Азаров шыққан болатын.Ол өз өтінішінде Христорождественский және Благовещенский екі православиелік храм жұмыс істейтінін және үлкен христиан мерекелер кезіндегі салтанаттарға тілек білдірушілердің бәрінің қатысуына мүмкіндік жоқ екенін атап өтті. Одан басқа дінге сенушілердің көбі қариялар, оларға макалланың алыс болуы үлкен ауыртпашылық туғызады.
Бұл мәселенің оң шешілуі үшін 2012 жылғы қаңтар айында қалалық әкімдік Гагарин атындағы парк ауданында жаңа храм құрылысына   жер учаскесін бөлген болатын. 2013 жылғы 1 сәуірде Камзин к-сі , 67/3 үй мекенжайында 350-400 қауым мүшесіне арналған Архистратиг Михаил жаңа шіркеуі ғимараты іргетасының алғашқы діңгегі қағылды.
Храм құрылысына жобалау-сметалық құжаттама бойынша 487 млн теңге қажет. Епархия және қоғамдық қор 257 млн. теңгеден астам қаражат жинады. Бұл епархия және жеке және заңды тұлғалардың жасаған қайырымдылық қаражаты қазіргі кезеңде игерілді. Негізгі құрылыс-монтаждау жұмыстары орындалды: ғимараттың кірпіш қалауы аяқталды, күмбезі орнатылды, нженерлік коммуникациялар жүргізілді, ішкі және сыртқы әрлеу жұмыстары басталды, жабын жұмыстары жүргізілуде, храм аумағы қоршаулары орнатылуда. Халықтың қайрымдылық көмегі болғанымен, жұмысты аяқтауға қаражат жеткіліксіз. Құрылысты   аяқтау үшін   әлі де 230 млн теңге қажет. Осыған байланысты қор өз қайырымдылық ісімен танымал болған, Павлодар мұнайхимия зауыты басшылығына өтінішпен шығу туралы шешім қабылдады.
Бұндай мақсаттағы объектілер құрылысын жүргізудің біріктірушілік маңызын терең түсінген ПМХЗ әкімшілігі бұл өтінішті назарынан тыс қалдырмады. Мұнай өңдеушілер қордың өтінішін қолдап, 11 млн 461 мың. 450 теңге қаражат жинап тапсырды. Бұл акцияға сервистік ұйымдар: «iQS ENGINEERING» ЖШС филиалы, «КазПромБезопасность ПВ»ЖШС және «iQ-SOLUTIONS»ЖШС қолдау көрсетіп, жалпы іске 43 мың теңге қосты.
Павлодар епархиясы және «Храм құрылысы» қоғамдық қоры басшылығы атынан құрылыс жетекшісі – салынып жатқан Михаил -Архангельский храмы дін қызметшісі - иерей Николай Попов мұнай өңдеушілерге жиналған қаражат үшін үлкен алғысын білдірді. Оның айтуынша, бұл қаражат жақын арада құрылыс мердігері «Промжилстройкомплекс» ЖШС шіркеудің жабын жұмыстарын аяқтауға мүмкіндік береді.

«ПМХЗ»ЖШС жұртшылықпен байланыс жасау жөніндегі бөлім