Тактикалық сценарийге сәйкес шартты өрт екі теміржол цистернасында статикалық электр әсерінен пайда болды. 


Бірінші кезекте «Семсер-Өрт сөндіруші» өрт сөндіру және газдан  құтқару қызметінің мамандары  эстакаданы электр желісінінен ажыратып, «жанып жатқан» цистерналарды сумен салқындатуға кірісті. Содан кейін Павлодар облысы ТЖД өртке қарсы қызметінің келген бөлімшелерімен бірлесіп, шартты өртті толығымен жойған шешуші көбік шабуылын жүргізді.


Өртке қарсы бөлімшелер қызметкерлерінің іс-қимылдарын  Павлодар облысы ТЖД өкілдері, «Семсер-Өрт сөндіруші» ЖШС өкілдері, ПМХЗ құрылымдық бөлімшелерінің басшылары мен зауыт мамандары бақылады. 


Оқу-жаттығу аяқталғаннан кейін өртке қарсы дайындыққа қатысушылардың жұмысына егжей-тегжейлі талдау жүргізіліп, олардың іс-әрекеттері оң бағаланды. Қатысушылардың өзара үйлесімділігі, қауіпсіздік техникасын сақтауы және жоспарға сәйкес әрекет етуі ерекше атап өтілді.
  

«ПМХЗ» ЖШС –нің жұртшылықпен байланыс жасау бөлімі
Фото — Екатерина Лобашевская