Салтанатты шара Естай атындағы Мәдениет сарайында өтті. Біздің әріптесімізбен бірге сахна төрінде аймақ пен елдің әлеуметтік-экономикалық және мәдени дамуына елеулі үлес қосқан азаматтар марапатталды.

Георгий Александрович Гаглоев өз еңбек жолын ПМХЗ-да №3 цехтың 400 учаскесінде (КТ-1) 4-разрядты технологиялық қондырғылар операторы болып бастаған. Оның өндірістегі еңбек өтілі – 33 жылдан асады. Бұл жылдар адал еңбек пен жоғары кәсібилікке толы. Георгий Александровичтің еңбек жолында еліміздің мұнай-химия саласын дамытуға қосқан зор үлесі үшін берілген 8 корпоративтік және ведомстволық мерейтойлық медалі бар. Ал осы марапаттарына тоғызыншысы – «Ерен еңбегі үшін» мемлекеттік медалі қосылды.

Мемлекеттік награданы әріптесімізге облыс әкімі Асаин Байханов табыстады.

«ПМХЗ» ЖШС жұртшылықпен байланыс жасау бөлімі
Фото — Валерий Бугаев, Илья Величко